#ازاي_اتعامل_مع_المصاب_بالصدمة كمسعف اولي
#first_aid_for_shock
لما تسمع حد بيقول هنتكلم عن الصدمة ....كلنا بيجي في بالنا انه هيتكلم عن الصدمة النفسية ....لكن
مفهوم الصدمة بالطريقة الطبية
معناها هبوط حاد في الدورة الدموية يعني العيان ده مش بيوصله دم لجميع انسجه جسمه وبالتالي هيسبب في تلف الاعضاء وقد تؤدي الي الوفاة
الأنواع و الأسباب (Types and causes)
1. الصدمة الناتجة عن نقص السوائل (Hypovolemic) هو ان الشخص حصله نزيف كتير فيسبب عدم كفايه الدم اللي ماشي الي الانسجه المختلفه بالجسم
2. الصدمة الناتجة عن العدوي (Septic)...وده فيانواع من البكتريا بتنتشر بسرعة كبيرة والتي قد تسبب هبوط حاد في الدورة الدموية
3. الصدمة القلبية الناتجة عن ضعف القلب (Cardiogenic) ان القلب مش قادر يشتغل كمضخه لضخ الدم لجميع انسجه الجسم
4. الصدمة العصبية الناتجة عن تلف في الاعصاب (Neurogenic)
5. الصدمة الناتجة عن الحساسية المفرطة (Anaphylactic)...ان الجسم المناعي بيخرج منه مواد كتير بتسبب انفتاح للاوعية الدموية كلها..فالدم ميقدرش يوصل لابعد مكان في الجسم فيحصل هبوط حاد في الدورة الدموية وقد تصل الي الوفاة لاقدر الله
الأعراض اللي بتظهر ع العيان:
1 انخفاض ضغط الدم (Hypotension) بيحس ان روحه بتروح 😇
2. انخفاض درجة الحرارة (Hypothermia)
3. زيادة ضربات القلب (بس هي بتكون ضعيفة) علي امل ان القلب يوصل الدم لانسجه الجسم المختلفة (Tachycardia)
4. زيادة معدل التنفس (Tachypnea) علي امل ان الرئة تاخد اكسجين كتير عشان تقدر توصله لجميع انسجه الجسم عشان تظل حيه
5. زرقان الوجه (Cyanosis)
6. شاحب لون الجلد (Pile)
7. زيادة في حدقة العين (pupil)
8. عرق بارد (Cold sweat)
9. عدم ثبات المصاب او الشعور بالتوتر (Insistence or tension)
اول حاجة
بنشتغل بطريقة CAB
1. بنقيم النبض ..لو مفيش بنشتغل فورا CPR
2. بتقتح مجري الهوا ...عن طريق ايد علي الدقن وايد علي الجبهة وترجعهم لورا
3. بنقيم التنفس ...بنتأكد ان المصاب بيتنفس
تاني حاجة
1. خلي المصاب نايم علي الارض
1.نرفع رجل المصاب بحوالي 20-30 سم من الارض عن طريق الكرسي او اي حاجة وخلي رأس العيان علي الأرض (يعني متحطش حاجة تحت رأسه) عشان الدم يول للمخ لانه العضو الاهم اللي لازم يوصله الدم
2. فك هدومه من علي رقبته
3. دفي جسمه ببطانية
4. بتحاول تشوف سبب الصدمة يعني مثلا لو نزيف بتحاول توقف النزيف
5. خليك جنب العيان عشان تراقب النبض و التنفس ودرجة الحرارة وتشوف مجري الهوا لغاية ما تيجي الاسعاف ....لو القلب توقف عن العمل ...هنعمل فورا CPR
6. لو العيان حالته استقرت و بقي واعي خليه في وضع الافاقة عشان لو فيه اي افرازات تبقي تخرج مع اتجاه الجاذبية زميحصلش بلع اللسان او انسداد مجري الهوا ...واهم حاجة خليك جنب العيان عشان تراقب النبض و التنفس ودرجة الحرارة وتشوف مجري الهوا لغاية ما تيجي الاسعاف
افتكر👌
قوله تعالى (وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً) 🌹
اكتبلنا ايه رايك ف البوست ده؟!....مستنيك 😍🌹
#شير_البوست لعل وعسي حد يستفيد
#شرح_الاسعافات_الاولية
#كل_يوم_معلومة_طبية
#ازاي_اتعامل_مع_المصاب_بالصدمة
#shock
#EgyNursology
اترك تعليقا:
