تعالي نفهم هو مفيد في إيه؟ وامتي ممكن ميكونش ليه لازمة؟🤔
العسل يعتبر من أقوي المواد المضادة للبكتريا و الفطريات وده بيكون عن طريق 3 حاجات دول:🤨
اول حاجة: تركيزه
يعتبر العسل من الحاجات المشبعة جدا يعني نسبة المياه الموجودة فيه (17.1%) وده بيخلي العسل عنده قابلية عالية جدا انه يمتص المياه من اي حاجة تتحط عليه ...يعني مثلا لو اي بكتريا او فطريات جت عليه بيبدأ يشفط المياه اللي فيها ف بالتالي بيموتها...
وعشان العسل معندوش مياه كافيه ...ف البكتريا مش هتقدر تعيش عليه ...علشان اي ميكروب بيحتاج انه ياخد مياه مش يتشفط منه مياه...
تاني حاجة : وجود انزيم اسمه (glucose oxidase)
الانزيم ده بحول (glucose) الي حاجتين:
الاول: (gluconic acid) وده حمض مركز جدا وده لوحده اساسا بيموت الميكروبات
التاني : (H2O2) وهي مياه الاكسجين ودي مشهورة جدا استخدامها علي الجروح عشان تطهر بيها الجروح وتقتل اي ميكروبات عليها....
ولكن الانزيم ده (glucose oxidase) عشان يشتغل بيحتاج كمية مياه زيادة شوية ف بيحتاج ان العسل يتخفف شوية...
تالت حاجة: وجود بروتين مناعي اسمه (bee defensin-1) والبروتين ده النحل بينتجه عشان يخلي المناعة بتاعته عاليه يعني بيعلي مناعته هو نفسه ...لكن البروتين بيفرز في العسل وده بيزود قدرة العسل علي انه يموت الميكروبات ...
الـ 3 حاجات دول تخلي العسل (antibiotic) قوي جدا جدا سواء احنا اكلناه او لو اتحط علي الجروح وده بيساعد انه يطهرها وكمان بيساعد علي الالتئام بشكل سريع ...بس المهم يكون عسل اصلي فعلا...
لكن...للأسف اغلب العسل اللي بيتباع في المحلات مش عسل صافي 😱 ...بيضاف عليه شوية حاجات ذي الجلوكوز و ديكستروز وممكن كمان عسل اسود ونشا وشوية حاجات كتيرة تانية وده طبعا بيقلل الفايدة بتاعته ...وده غير انه بيخلي طعمه مسكر بزيادة وده من كتر السكر اللي بيحطوه عليه وده بيخلي طعمه مسكر اوي وبيخلي الناس متحبش العسل ..وده غير ان نسبة السكر الزيادة دي ممكن تضر الناس اللي عندها مرض ذي السكر .... السكر بشكل عام لما بيزيد بيسبب اضرار كتيرة جدا علي الجسم....
بالاضافة ....فيه كمية نصب بإسم العسل😱
وهو ان البياع يقولك انه بيعالج 20 او 30 مرض و الحاجة اللي عايز اوضحها هو ان الاية بتقول (فِيهِ شِفَاءٌ لِلنَّاسِ) مش (فِيهِ الشِفَاءٌ لِلنَّاسِ) يعني العسل بيشفي من شوية حاجات ودي اللي شرحتها في الاول وده فعلا بيشفي وبشكل كويس جدا ...لكن يجي واحد يقول انه بيعالج بيه السرطان و القولون و البواسير والامراض المناعية وغيرها ..ف ده اسمه نصب نصب نصب
في النهاية ...خد بالك🧐
من العسل الاصلي و العسل المغشوش ..
#كل_يوم_معلومة_طبية
#شير البوست علشان الكل يستفيد
#EgyNursology
اترك تعليقا:
