#التدخين_إدمان
لما بتدخن وتاخد نفس من السجارة وتسحبه علي صدرك – جزيئات الدخان بتحمل جواها مادة اسمها #النكوتين (nicotine) – الدخان بيحملها لحد ما توصل الي الرئتين ويتم امتصاصها بشكل سريع جدا داخل اغشية الرئتين لحد ما تدخل في الدورة الدموية
وهنا بقي بتنتقل من الرئتين للدم وبعدين للمخ واول ما توصل الي المخ بنلاقي جزيئات النكوتين بتتحد مع مستقبلات اسمها (nicotinic cholinergic receptor) وتعني #مستقبلات_النكوتين واول ما بيحصل ارتباط بمادة و مستقبل لازم بيعطينا تأثير (effect) يعني مفتاح وقفل أول ما يركبوا في بعض يفتحلنا باب الكنز او باب النواقل العصبية اللي بتخرج ويتم انتاجها أكبر من المعدل الطبيعي أولهم الزعيم والقائد ورئيس جمهورية السعادة (dopamine) الدوبامين اللي بيخلينا نعمل حاجات كتيرة غصب عننا لمجرد الاحساس بالسعادة واول ما بتولع السجارة احساسك بالسعادة بيزيد وبتحس براحة وتركيزك بيزيد وادائك بردوا بيزيد..😱
#النكوتين بيكون مسئول عن افراز مادتين وحده اسمها (glutamate) عشان تسهل افراز الدوبامين (dopamine) و المادة التانية اسمها (gamma-aminobutyric acid (GABA)) ومع التدخين لفترات طويلة بنلاقي مستقبلات النكوتين في المخ حساسيتها بتقل .....معناها ايه؟؟؟🤔
يعني بالرغم من انك لما بتولع السجارة بتحسن بالسعادة إلا ان حساسية بعض المستقبلات هتقل وبالتالي عمرك ما حتدخن بنفس المعدل اللي طول عمرك بتدخن بيه...اللي هو كان في الاول سجارة واحدة وبتحس بالسعادة لكن بعد فترة طويلة من التدخين هتلاقي نفسك محتاج اكتر من سجارة عشان توصل لنفس المفعول بتاع اول سجارة.....😱
في نوع من الانزيمات موجودة في جسمنا اسمه (monoamine oxidase) وده من ضمن وظائفه انه بيعمل (metabolism) أو تكسير أو امتصاص لبعض النواقل العصبية المسئولة عن السعادة ذي الدوبامين واخواته (Norepinephrine – serotonin -) ..
#باقي المواد الموجودة بالسجارة مع النكوتين ذي مادة اسمها (acetaldehyde) اسيتالدهيد بتقلل نشاط الانزيم ده (monoamine oxidase)....وده معناه ان تكسير (الدوبامين واخواته) هيقل ..فكمية استهلاك السجاير هتزيد...فالسعادة هتزيد...فالادمادن هيزيد....
#اشهر الامراض اللي بيصاب بيها الشخص المدخن هي سرطان الرئة والسكتة الدماغية والامراض القلبية.....
#السجاير بضيق الاوعية الدموية وبضمر انسجتها وده بيخلي ضربات القلب تبقي سريع ...وبترفع ضغط الدم ويسهل تكوين جلطات .....
ولو الجلطة دي سدد اي جزء من اجزاء مخك....هيحصل سكتة دماغية ولو اي وعاء دموي في مخك او حتي حوالين مخك حصله انفجار بردوا هيحصل سكتة دماغية .....وغيرها من الاعراض والامراض اللي بتظهر علي الانسان والتي تؤدي الي الوفاة..
يبقي لازم دلوقتي #تطفي_السيجارة...عشان صحنك ... هي ثروتك ❤
...................في النهاية..................
#طريق الادمان و المخدرات دائما بيبدأ بتجربة ...كمان طريق السجاير بيبدأ دائما بسجارة .....سجارة واحدة هتجربها هتسحبك في طريق اللانهاية ....طريق يستنزف صحتك وفي شكلك وفي وقتك وفي فلوسك......
#مفيش كائن في الدينا ممكن يكون خطر علي الإنسان ..#غير الانسان نفسه
المصادر:
- https://www.nhs.uk/common-healt…/…/why-is-smoking-addictive/
- https://www.drugabuse.gov/…/tobacco-nico…/nicotine-addictive
- https://www.addictionsandrecovery.org/…/how-to-quit-smoking…
- https://www.cancer.org/…/why-people-start-using-tobacco.htm…
#كل_يوم_معلومة
#شير_البوست عشان الكل يستفيد
#فيد_واستفيد
#EgyNursology
اترك تعليقا:
