مساحة إعلانية

اوي تأكل لحمه كتير



كل ثانية و انتوا طيبين بمناسبة عيد اللحمه 😊
هنتكلم النهارده عن اللحمه
اللحوم مهمة عشان بتدينا بروتين وبعض الفيتامينات و المعادن اللي بيحتاجها الجسم عشان ينمو..
احنا جسمنا بيحتاج نص كيلو جرام في الاسبوع ....يعني في اليوم بيحتاج الجسم 70 جرام... وانت تقسمها ذي ما تحب خلال الاسبوع كلو يعني تقسمها علي مراتين او تلاته ..وباقي الاسبوع نقضيها وجبات نباتيه .......لحد هنا تمام.....
المشكله....
⏪الحاجه لما تزيد عن حدها بتتقلب لضدها⏩
عشان احنا في عيد اللحمه بنفضل نأكل يوميا في 3 او 4 وجبات كلها لحمة ......
عشان كده لازم نتكلم عن :
اضرار الاكثار من اللحوم وهي:
⬅ اضطربات في الجهاز الهضمي ذي انتفاخ البطن و الغثيان و حرقان في المعدة و عسر الهضم والامساك والشعور بالتعب
⬅ ارتفاع ضغط الدم عشان اللحمه بتسبب ارتفاع في مستوي الكوليسترول 
⬅ بتسبب الإصابة بمرض النقرس
⬅ وعشان اللحوم بتحتوي علي الكوليسترول و الاحماض الدهنية المشبعة ...لما الشخص يكتر منها ....هتسبب الاصابة بالسكري وامراض القلب وتصلب الشرايين ودا بسبب تراكم الكوليسترول في الجسم
⬅ اما بقا بالنسبة للاعضاء الداخلية بتاع الدبيحه ذي الكبده و الكلي وغيرها ...مينفعش الشخص يكتر منها عشان تحتوى على كمية كبيرة من الكولسترول بالإضافة إلى ما تحتويه من مركبات نيتروجينية تشكل صعوبه على الكلى عشان تتخلص منها
⬅ ده غير انها هتزود في وزنك وهتسببلك السمنه
يعني
الاعراض فيه منها اللي بتظهر علي المدي القريب ذي انتفاخ البطن و الامساك واضطرابات الجهاز الهضمي عموما واعراض بتحصل لمرضي القلب و السكر و الكلي علي وجه الخصوص و فيه الاعراض اللي بتظهر علي المدي البعيد ذي الاصابة بمشكله في الكلي او النقرص و امراض القلب وغيرها
ولكن لو قللت منها هتسبب مشاكل في نمو الجسم وحرمان الجسم من فوائدها
ولكن خير الامور الوسط ....يعني كلوا اللحمه بمعدل طبيعي يعني 2 او 3 مرات في الاسبوع عشان تحمي نفسك من اضرارها انت في غني عنها وعشان صحتك هي ثروتك
لازم الناس دول ياكلوا منتجات اللحوم بحذر وهم مرضي الضغط و السكري و امراض القلب و الكلي ودا عشان ارتفاع مستوي الكوليسترول و المركبات النيتروجينية

شارك المقالة عبر:

إقرأ أيضا

اترك تعليقا:

الاشتراك في: تعليقات الرسالة (Atom)

الاكتر شيوعا

جميع الحقوق محفوظة ل EgyNursology

صمم وكود بكل من طرف TreeXil