اشهر ٥ مشاكل بتواجهنا في النوم 😴😴

اشهر ٥ مشاكل بتواجهنا في النوم 😴😴
و فيه في" أول كومنت" نصائح مهمه لينا كلنا لتحسين جوده النوم

١- الأرقinsomnia :
مش عارف تدخل في النوم أو بتنام علي طول بس النوم متقطع (fragmented sleep) أو بتنام كويس بس بتصحي بدري أوي عن المعاد المحدد.

الأسباب: عاده بتبقي الضغط العصبي و النفسي أو شرب مشروبات الكافيين كتير .. كمان السيدات و كبار السن عرضه أكتر و الشغل بنظام الورديات اللي بتغير كل شويه مواعيد النوم

٢ - انقطاع النفس أثناء النوم
Obstructive Or central Sleep Apnea 
و ده ممكن يحصل لمده ثواني و تؤدي الي تقطيع النوم و كمان بتزود ثاني أكسيد الكربون في الدم و ده ممكن يخلي الواحد يقوم من النوم بصداع شديد و يخليه علي مدار اليوم عايز ينام و حاسس انه مشبعش نوم

٣ - تململ الساقين 
Restless leg syndrome 
اللي هو احساس بنمل او حاجه ماشيه علي رجليا الاتنين و انا نايم بتخلي الشخص النايم يحرك رجليه كتييير جدا و يحك رجل بالرجل التانيه و الحاله دي ليها أسباب كتير منها حاجات بسيطه زي نقص الحديد و بتتحسن بأدويه الدوبامين .

٤- داء التغفيق 
Narcolepsy 
التغفيق كلمه صعبه شويه خلوها داء التسقيط 😂
شخص بيسقط طوال اليوم 
بينام في اي فرصه
نوم نوم بجد يعني مش هزار... تلت او نصف ساعه و ممكن يحلم كمان 
ينام في مواصلات مثلا .. عند الحلاق.. ادام التلفزيون ..و الكارثه ممكن يسقط و هو سايق 😲 ده مرض نتيجه نقص ماده hypocretin في المخ و يحتاج علاج دوائي.

٥ - في ظواهر طبيعيه عند ناس لا تصنف علي انها اضطرابات نوم 
ناس طول عمرها بتنام كتير بالليل ١٠ الي ١٢ ساعه و متبقاش فايقه الا بالعدد ده من الساعات 
ده طبيعي اسمهم
long sleeper

ناس طول عمرها بتنام قليل و ٣ او ٤ ساعات نوم بالنسبه لهم كافيين جدا و ليقوموا مبسوطين .. دول طبيعين و اسمهم 
short sleeper

شارك المقالة عبر:

إقرأ أيضا

اترك تعليقا: