#Fracture of the #spine and #neck #first_aid
في البدايه كده/ يعني ايه #عمود_فقري؟!🤔
دا عبارة عن مجموعة من الفقرات كل فقرة عبارة عن عظمة لها شكل مميز ...الفقرات دي مترتبه فوق بعض....بيمر في وسط الفقرات دي هو النخاع الشوكي .....يعني النخاع الشوكي موجود في وسط الفقرات عشان تحميه والنخاع الشوكي بمثابة الكابل الرئيسي اللي نازل من الجمجمة عشان يوصل الاشارات لكل انحاء الجسم ويتلقي كمان اشارات اللي جيه من كل انحاء الجسم وبالتالي ربنا حمي المخ بالجمجمة و حمي النخاع الشوكي بالفقرات .....فلو حصل كسر في الفقرات ...هيحصل قطع في النخاع الشوكي ....وده هيحصل للمصاب الاصابه بالشلل..ودا معناه انه مفيش اتصال ما بين اجزاء تانيه من الجسم ....يعني لو القطع حصل عند منطقة الحوض مثلا ...كل ما هو تحت منطقة الحوض مش هيتحرك....
#ازاي اعرف ان المصاب دا عنده كسر في #الرقبة او #العمود_الفقري؟!🤔
لو الشخص سقط من مكان عالي ذي الناس اللي بتسقط من البلكونة او الشرفه او السقاله بتاعت عمال المحارة وغيرها...هتلاقي المصاب عنده الم شديد في منطقة الرقبة او العمود الفقري ومش قادر يتحرك ولا قادر يسيطر علي اطرافه
طب لو فيه شك انه فيه #كسر في #الجمجمة أو #الرقبة هتتصرف ازاي؟؟!!🤔
تحط اليدين من علي الجانبين تحت الفك بتاع الرقبة و تثبت الجمجمة ورفع الفك إلي أعلي ...علشان ياخد قاعدة اللسان لأعلي ...وتفضل علي كده لغاية ما الاسعاف تيجي...عشان ميحصلش انسداد لمجري الهوا
وده لان في احتمالية كسر الرقبة ولكن من المؤكد ان المصاب هيموت لو سيبته ...بسبب الاختناق ببلع اللسان
طب لو فيه شك انه فيه #كسر في العمود الفقري هتتصرف ازاي؟؟!!🤔
مينفعش تحرك المصاب ...المفروض انك تحافظ علي وضعية المصاب وتراقب النبض و مجري الهوا و التنفس لغاية ما تيجي الاسعاف....
طب لو المصاب ده في مكان خطر ولازم يتنقل من مكانه عشان ميحصلش ضرر عليه ... هتتصرف ازاي؟؟!!🤔
يبقي لازم يتحرك المصاب كقطعة واحدة
او انك تتسحبه من عند الكتف بشكل عمودي وبالتالي الفقرات متتحركش يمين ولا شمال وبالتالي بتقلل احتمالية قطع النخاع الشوكي...وخليك حذر...عشان ميحصلش لقدر الله قطع في النخاع الشوكي
افتكر👌
قوله تعالى (وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً) 🌹
اكتبلنا ايه رايك ف البوست ده؟!....مستنيك 😍🌹
عشان نستمر في نشر المزيد ان شاء الله
#شير_البوست لعل وعسي حد يستفيد
#شرح_الاسعافات_الاولية
#كل_يوم_معلومة_طبية
#كسر_الرقبة_و_العمود_الفقري
#EgyNursology
اترك تعليقا:
