#Corona_Virus
كلمة (corona) هي كلمة لاتينية ومعناها بالعربي (التاج) وده عشان بيبان تحت الميكروسكوب علي شكل التاج
فيروس كورونا مش مجرد فيروس واحد ...لأ ..ده عائلة كبيرة جدا من الفيروسات بعضها مش خطير وبعضها بيسبب برد و سخونه أو حاجات احنا كبشر بنتعرضلها علي مدي حياتنا عادي جدا
ولكن في سلالات خطيرة جدا زي
MERS = middle east respiratory syndrome
SARS = severe acute respiratory syndrome
ولينا وقفه عند (SARS) سارس : مرض فيروسي ودا عبارة عن صعوبة في التنفس واللتهاب رئوي ...المشكلة انه غامض وملهوش علاج والنتيجة بتبقي الموت
في دكتور اسمه (carlo urbani) كارلو يورباني : أول شخص اكتشف الفيروس ومات بسببه 😅
فيروس (SARS) لغاية دلوقتي ملهوش علاج يعني مثلا في سنة 2002 مات بسببه حوالي 800 شخص واتصاب حوالي 8000 شخص ودا عدد كبير جدا ومن 2002 لغاية 2003 انتشر في 40 دولة
السؤال اللي بيدور في دماغك: فيروس الكورونا بيجي منين؟؟🤔
وفقا للـ (WHO) منظمة الصحة العالمية بيجي من الحيوانات غالبا زي القطط و الخفافيش وقرأت ولكن مش متأكد ان سبب انتشاره في مدينة (WUHAN) ويهان الصينية انهم بيعملوا شربة خفافيش ودي سهلت انتشار الفيروس
مشكلة الفيروس ده انه بينتقل عن طريق النفس او الهواء او انك تلمس حيوان عنده الفيروس او اي حاجة عندها الفيروس وبمجرد ما تلمسها بينتقل الفيروس في لحظات
الفيروس لسه جديد ومحدش عارف طريقة ماشيه ازاي؟ ولسه ملهوش علاج فعال
في 5 اشخاص سافروا من الولايات المتحدة للصين واتصابوا هناك وبدأت الصين تلغي رحلاتها الجوية و القطارات وخاصة مدينة (WUHAN) ويهان الصينية اللي فيها الفيروس نفسه
طب لو انت في مصر هل تقلق اوي ؟
مش اوي - لكن تاخد احتياطاتك اللازمة زي :
- انك تلبس الكمامة الطبية في الاماكن اللي بيكون فيها مرضي من اي نوع
- انك تغسل ايدك بالمياه و الصابون
- انك متحطش ايدك علي فمك
- تتجنب الزحمة
في الاخر: المصادر كتير و الكلام اكتر
انا سبتلك كل المصادر اللي قرأتها تحت👇
محتاجين دعمكم لينا ..اعملوا متابعة لصفحة إيجي نيرسولوجي واعملوا مشاركه للبوستات اللي نزلناها واللي لسه هنزلها لكل الجروبات
خلوا التفاعل يزيد في الصفحة عشان نقدر نوصل لاكبر عدد ممكن 💪❤
#كل_يوم_معلومة_طبية
#تبسيط_معلومة_طبية
#علم_ينتفع_به
#إيجي_نيرسولوجي
#EgyNursology
💊💉 EgyNursology Group
إيجي نيرسولوجي EgyNursology
Sources - المصادر
1- https://www.healthline.com/…/what-to-know-about-the-mysteri…
2- https://www.who.int/health-topics/coronavirus
3- https://www.cdc.gov/coronavirus/2019-ncov/summary.html
4- https://www.who.int/csr/sars/en/
5-https://www.ncbi.nlm.nih.gov/pmc/articles/PMC1299236/
6- https://www.ecdc.europa.eu/en/novel-coronavirus-china
7- https://www.who.int/emergen…/diseases/novel-coronavirus-2019
اترك تعليقا:
