مكملين في سلسلة #تمريض_الطوارئ
هتعمل اي مع عيان (Myocardial infarction (MI)) او (ischemic heart disease (IHD)) او (Angina) #الذبحة_الصدرية
في الاول :يعني ايه #الذبحة_الصدرية
معناها : بيقل الدم اللي بيغذي القلب عن طريق الشريان التاجي ودا ممكن يسبب ضررٍ أو موتٍ كاملٍ لجزء من عضلة القلب.
#العيان جاي الاستقبال بيشتكي من (typical chest pain) ألم في منتصف الصدر وهتلاقيه بيوصف الالم بالـ (heaviness) حاجة طابقة علي صدره او (squeezing) حاجة بتعصر صدره وفي معظم الحالات بيسمع في الكتف الشمال و الـ (left arm) الذراع الشمال وممكن ياجي الألم في الذراع اليمين او الرقبة او الاسنان او (epigastrium) فم المعدة او الظهر وبيزيد مع المجهود
#هتعالج الذبحة الصدرية ازاي؟
هتعطي (MONA) مني ....؟!🤔
M = Morphine
يفضل استخدام المورفين الا عن طريق الدكتور المتخصص لكن في بدل من المورفين زي مثلا الـ (Nalufin) النالوفين امبول بيتحل علي 10 سم محلول ملح ويتعطي وريد او عضل ببطئ
O = Oxygen by mask
هتوصل العيان علي ماسك اكسجين
N = Nitrate
زي مثلا قرص (dinitra) داينيترا تحت اللسان يمكن تكراره بحد اقصي 3 مرات بينهم 5 دقائق و المفروض تقيس الضغط قبل استخدامه لانه بيعمل (hypotension) انخفاض في ضغط الدم
A = Aspirin
هتعطي 4 اقراص اسبرين يقرقشهم العيان
الحاجات دي المفروض تعملها في اي حالة بمجرد الشك في وجود (MI) لانها مش هتضر المرض لو طلع معندوش حاجة بس هتنفعه لو عنده جلطه
بعد ما تعطي الحاجات دي الدكتور هيقول للعيان
- الالم بدأ من امتي وبقاله قد ايه؟
- وهل العيان ارتاح علي قرص (dinitra) داينيترا
- وهيطلب عمل (ECG) رسم قلب
عشان يعرف هل ذبحه مستقرة ولا غير مستقرة ويقدر يشخص الحالة
#خدبالك:
اي مريض سكر جايلك بوجع بسيط في الصدر أو بيشتكي من نهجان أو دوخة من غير وجع في صدره لازم تعمله رسم قلب عشان تستبعد الجلطة لان مريض السكر ممكن بيعاني منها من غير ألم نتيجة (Diabetic Neuropathy) تلف الأعصاب الناتج عن مرض السكري
#افتكر👌
قوله تعالى (وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً) 🌹
اكتبلنا اي حاجة تشجعنا في التعليقات 😍❤️
رجاءا الناس #تشير البوستات عشان الكل يستفيد
و #تتفاعل مع البوستات عشان فعلا دعمكم لينا هيخلينا #نستمر في نشر المزيد ان شاء الله 🌹
💊💉 EgyNursology
إيجي نيرسولوجي EgyNursology
اترك تعليقا:
