فحص النبض و مجري الهواء و التنفس بطريقة CAB
في حالة ان المصاب لا يستجيب : جمعنا الخطوات في كلمة " CAB"
تقييم الدورة الدموية : التأكد ان القلب يقوم بوظيفته كمدخه
هتقيس النبض من عند الرقبة " من الشريان السباتي"
· والخطأ الشائع هو قياس النبض من اليد وده لان ممكن المصاب يعاني من الصدمة "يعني هبوط حاد في الدورة الدموية يعني الدم مش بيوصل للأطراف بشكل كافي"
· و الخطأ الشائع هو استخدام صوباع الأبهام " علشان بينبض وده بنستخدمه عند تحليل السكر لأحتوائه علي أوعية دموية كتيرة"
س/ لو لقيت المصاب معندوش نبض ؟؟!
ج/ هتعمل CPR
|
1- Circulation
|
فتح مجري الهواء:
أسباب انسداد مجري الهواء؟
1. وجود جسم غريب
2. كسر في الفك أو قاع الجمجمة
3. بلع اللسان " أشهر الأسباب"
ازاي تمنع(بلع اللسان)؟؟
اول حاجة لازم تاخد بالك منها ان السان عبارة عن عضلة
لما بيحصل اغماء بيسبب ارتخاء في العضلات ولذلك بيحصل ارتخاء لعضلة اللسان "ارتخاء قاعدة اللسان للأسفل" فتسبب في انسداد البلعوم
انت كمسعف تصرف ازاي؟!
تحط ايد علي الجبهه و تحط ايد علي الذقن "عند منطقة العظم مش العضلة " وترجعهم لورا وتظل علي كده لغاية ما الاسعاف تيجي
(كسر في الجمجمة أو الرقبة)
طب لو فيه شك انه فيه كسر في الجمجمة أو الرقبة هتتصرف ازاي؟؟!!
تحط اليدين من علي الجانبين تحت الفك بتاع الرقبة و تثبت الجمجمة ورفع الفك إلي أعلي " علشان ياخد قاعدة اللسان لأعلي " وتظل علي كده لغاية ما الاسعاف تيجي
ولو معرفتش تعمل الطريقة دي يبقي اعمل الطريقة الاولي " طريقة بلع اللسان"
وده لان في احتمالية كسر الرقبة ولكن من المؤكد ان المصاب هيموت لو سيبته (بسبب الاختناق"
|
2- Airway
|
علشان تتأكد ان المصاب بيتنفس كويس
لازم تنتظر من 5-10 ثواني وه عن طريق :
هتحط اذنك وخدك علي انف و فم المريض "علشان تسمع صوت الهواء و تحس بخروج الهواء" و تبص علي حركة القفص الصدري
وبعدين تعد من 1001 لغاية 1010 علشان تكون دقيق في عد الثواني
|
3- Breathing
|
اترك تعليقا:
