للأسف الشديد من ساعة تقريبًا مصر أعلنت عن أول حالة إصابة بـ #ڤيروس_كورونا..
الڤيروس بيتنقل عن طريق الجهاز التنفسي وإللي لا قدر الله ممكن يتنقل بالإحتكاك مع الأشخاص المصابين أو لمس الأسطح الملوثة بالڤيروس من رزاز الشخص المصاب🤧
وكنا اتكلمنا عليه في بوست سابق - ارجع شوفه - ولو تهت هتلاقيه في التعليقات تحت انزل شوفه 👇
طريقة الوقاية من ڤيروس الكرونا أو بشكل عام الأمراض المنقولة عن طريق الجهاز التنفسي هي الإهتمام بالنظافة الشخصية..🙌
دي بعض النصائح إللي قد تقلل بشكل كبير من تعرضك للإصابة:
1- تجنب الأماكن المزدحمة علي قدر الإمكان وخصوصًا إللي التهوية فيها مش كويسة.🚫
2- لو هتستخدم ماسك أو قناع طبي تأكد إنك لابسه بطريقة صحيحة.. ويكون مغطي الأنف والفم بشكل سليم.. وتكون الناحية البيضاء ملامسه للفم والأنف والزرقاء ناحية الخارج والجزء المعدني على الانف.. والماسك يستخدم لشخص واحد فقط.. وليوم واحد.😷
3- غسل الأيدي بالماء والصابون بشكل منتظم.. قبل تناول الطعام وبعده.. وبعد الرجوع من الخارج.. وبعد ملامسة أسطح ملوثة.. وبعد العطس أو الكحة.🙌
4- في حالة الرشح أو العطس أو الكحة.. استخدام منديل ورقي لمرة واحدة.. ولو مش متوفر ما تعطسشي في إيدك.. ولكن في منطقة الكوع وتغطي بيها الأنف والفم.😪
5- متلمسش العينين والأنف والفم وايدك مش مغسولة ونظيفه.🚫
6- حاول تكتر من شرب السوائل والطعام الصحي والخضار والفاكهة.🥣
7- مينفعش تشارك الادوات الشخصية مع أي حد.💦
الڤيروس حتى الآن ملهوش علاج..
جهاز المناعة هو إللي بيتغلب عليه.. أو بيقلب بمضاعفات خطيرة قد تؤدي إللى الوفاة وأعداد المصابين في تزايد مستمر.. والخطورة بتكون أكبر على الأطفال وكبار السن.
ربنا يحفظ الجميع..❤
#افتكر👌
قوله تعالى (وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً) 🌹
محتاجين دعمكم لينا ..اعملوا متابعة لصفحة إيجي نيرسولوجي واعملوا مشاركه للبوستات اللي نزلناها واللي لسه هنزلها لكل الجروبات
خلوا التفاعل يزيد في الصفحة عشان نقدر نوصل لاكبر عدد ممكن 💪❤
#كل_يوم_معلومة_طبية
#تبسيط_معلومة_طبية
#علم_ينتفع_به
#إيجي_نيرسولوجي
#EgyNursology
💊💉 EgyNursology Group
إيجي نيرسولوجي EgyNursology
اترك تعليقا:
